“Temurbeklar maktabi” harbiy-akademik litseyida Ochiq eshiklar kuni
26.01.2024 399 views
Yosh avlodning har tomonlama yetuk bo’lib kamol topishi, ma’nan va jismonan chuqur aqliy bilimga ega bo’lishlari uchun yurtimizda barcha sharoitlar yaratilgan. Yoshlarning ushbu imkoniyatlardan unumli foydalangan holda harbiy-vatanparvarlik ruhida kamol topib, kasb tanlashda adashmasdan, dunyoviy bilimlarni to’liq o’zlashtirishlarida esa, “Temurbeklar maktabi” harbiy-akademik litseylarining o’rni beqiyos.
Shu ma’noda, Nukus “Temurbeklar maktabi” harbiy-akademik litseyi tomonidan muntazam ravishda “Ochiq eshiklar kuni” tadbiri o’tkazib kelinmoqda. Tadbirni o’tkazishdan maqsad, yoshlarni harbiy-vatanparvarlik ruhida tarbiyalab, harbiy xizmatchilar uchun yaratilgan imkoniyatlar, sohadagi yutuqlar, xodimlarning sportda va faoliyatda erishgan yutuqlari bilan yaqindan tanishtirishdan iborat. 26 yanvar kuni ham Nukus shahridagi 21,24,35,38,42 sonli umumta’lim maktablarining 200 dan oshiq o’quvchilari uchun «Ochiq eshiklar kuni» tadbiri tashkil etildi.
Tadbir davomida umumta’lim maktablaridan tashrif buyurgan o’quvchilar Nukus “Temurbeklar maktabi” harbiy-akademik litseyi hududi, litseyda ta’lim-tarbiya va o’quvchilarning yashashi uchun yaratilgan sharoitlar, kun tartibi, o’quv jarayonlari haqida ma’lumotlarga ega bo’ldilar. Tadbir yakunida o’quvchilarga litseyning musiqa to’garagi a’zolarining chiqishlari namoyish etildi.
podpolkovnik
SH.R.Ibragimov
